ڈاھی – ھشدار – إطلاع

مغربی بلوچستان:

مغربی بلوچستانءَ سلاحبندین جھدے دیما بروکین تظیم جنداللہ إیرانی سرباز ڈاہ داتگ أنت کہ آ ھر چے زیتتر بیت کنت چہ بلوچستانءَ در به کپ أنت۔ و آ کسان کہ نوک بلوچستانءَ دیم ديگءِ جھدا کن أنت باید إنت رَوَگا إنکار بہ کن أنت۔ پرچا کہ بلوچستانءَ ھر کس کہ سرکاری پوشاک پوشیت و پر تر مانتر کنت، آئی دشمن حساب کنگ إبیت و جانفدائین بیڑانءِ زدا کیئت۔
جداللہ قول داتگ کہ چہ سراوانءِ سوبینین بیڑا رند ھم بلوچ مردم و سنیان چہ زوراکیان رکـّینگا واستا إیرانءِ سلاحبندین واکانءِ بنجاھان سرا حملہ کنگ إبیت۔ دلاور

مشرقی بلوچستان:

مشرقی بلوچستانءِ سلاحبندین جھدکارانءِ تنظیم 'بلوچ رپبلکن آرمی' بلوچ مردم ڈاہ داتگ أنت کہ آ پاکستانءِ ریلگاڑیان کہ کوئٹہءَ رو آ کن أنت، سفر مہ کن أنت۔ پرچا کہ آوانءِ سلاحبندین جهدکار ریلگاڑیان یکـّوئی تیرانءِ دپا دے أنت۔
پہ وتی خبرءِ ثابت کنگا بی آر إے گوستگین ھفت روچانءِ تھا تنے وھدی دو ریلگاڑیانءِ سرا بیڑ برتگ و ھفدہ کسان ٹپـّيگ بیگءِ خبر سرکاری حالجاھان شنگ بیتگ۔ ألبت بی آر إےءِ گوانکو میر سربازءِ گشگ إنت کہ نوکترین بیڑا بازین پولیس کشگ بیتگ أنت۔ آساپ

www.balochinews.com