دی نئشن شنگ بیتگین حالےءِ ردا تالاب و چبّگان زند گوازینوکین گانڈو چہ سند و بلوچستانءَ گار بیان أنت۔ إیشانءِ کم ترّگءِ سبب گيئشتر کم آپی إنت و پدا إیشانءِ پوستءِ گرانبھائی إنت۔
'گانڈو' کہ گیئشتر بلوچ 'واگو' ئی گش أنت، باز ڈولین أنت۔ ألبت ھما کہ سند و بلوچستانءِ چبّگ و تالابان رُد أنت، إیشان 'موگر' یا 'تالابی گانڈو' گش أنت۔
تالابی گانڈو سندءِ تھا مان سنگار، خیر پور و نوابشاہ دمگان ھست أنت۔ بلوچستانءَ مان ھنگول، دشت، ناری و حبءِ کوران زندگ إبنت۔
مرچان 'موگر' واگو پہ پوستءِ درکنگا کشگ بیگا أنت یا چہ تاھاپیا گار بیان أنت۔
جھانگیرین چاگردی خزانہ، بزان 'ورلڈ وائڈ فنڈ'ءِ مردمان گون 'پاکستان پرئس أسوسی إیشن' گشتگ "أندازہ إنت کہ إے وڑین واگوانءِ حساب مان سند 492 إنت کہ چہ إیشان یوکا 164 ودی بیتگ أنت و بلوچستانءَ 64ءِ نیاما 24 درگيجگ بیتگ أنت"۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت