نشنل پارٹیءِ سرین جھدکار و یکـّے چہ بلوچستانءِ پیسری وزیران، واجہ کچکول علی بلوچ چہ سرمچاران لوٹ کت کہ ھما ڈولا آ مان ڈیرہ بگٹی و دگہ دمگان چہ غدّاران حساب جست کنگا أنت، ھمے وڑا بلوچستانءِ تیابدپی زمینان بھا کنوکانءِ علاجا بہ کن أنت۔میر کچکول علی بلوچ دیمترا گشت کہ اروماڑہ، دشت و بلوچستانءِ دگہ ھندان پاکستانءِ فوجا داتگین سرجمین زمین پدا پچگرگ بہ بنت۔ گون إیشی ھؤر صدان ھزار إیکڑ زمین کہ درین مردمان دیگ بیتگ هم پچگرگ بہ بنت، پرچا کہ إے زمینانءِ بھری بلوچ دشمنین پندلانءِ کارپد أنت۔
روچتاک آساپءِ ردا میر کچکول علی مان گوادر گون حالکاران دیوان کنگءِ درگتا برزا داتگین گپ جتگ أنت و دیمترا گشتگ ئی کہ گوادر بندنءِ باروا بستگین قراربند ھم رسگا باطل کنگ بہ بیت۔
دیوانءِ راها کچکول علی بلوچ چہ اُستمانا لوٹ کت کہ آ بلوچ سرمچاران مالی کمک بہ دے أنت و آوانءِ جهدءِ أخلاقی پلانگریءَ بہ زیر أنت۔ آئی گڈسرا چہ سرجمین بلوچ ٹکـّان دستبندی کت کہ وت مان وتی بُگز و عداوتان یک کرّا بہ کن أنت و ھورین دشمنءِ خلافا په جھد کنگا یکجاہ بہ بنت۔
زرینہ مریءِ باروا پاکستانی میڈیاءِ بے تواری کچکول علیءَ إیر جت و چہ حالکاران دستبندی ئی کت کہ بلوچ اُستمانءِ سرا بییوکین زوراکیان پاشک کنگا گون بلوچان ھورکاری بہ کن أنت۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت