بلوچی نبشتہ کنگءِ وھدا پھکیں بلوچ ندکار چہ ھر چیزا گيئشتر سیادیءِ ظاهر کنگا "ءِ" و "ی"ءَ رد کارمرز کن أنت۔ مردم چونکا رد مہ وارت، إیشیءِ آسودگیں فارمولا -راھبندے -مں درگپتگ۔ دلگوش:-
مچّی پیش۔ مچّءِ پیش:
تو کہ 'مچّی پیش' نبشتہ کت، گڈا چہ وت جست بہ کن باریں تو چے لوٹئے بہ گشئے! أگر تئی جست "چونیں پیش؟" إنت، گڈا تئی جواب بروبر إنت۔ ألبت أگر تئی جست "کئی پیش" إنت، گڈا 'مچی پیش' نبشتہ کنگ رد إنت۔ باید نبشتہ بہ بیت "مچءِ پیش".
شھری مردم- شهرءِ:
توکہ 'شھری مردم' نبشتہ کت، گڈا چہ وت جست بہ کن باریں تو چے لوٹئے بہ گشئے! أگر تئی جست "چونیں مردم" إنت، گڈا تئی جواب بروبر إنت۔ ألبت أگر تئی جست "کجاءِ مردم" إنت، گڈا 'شھری مردم' نبشتہ کنگ رد إنت۔ باید نبشتہ بہ بیت "شھرءِ مردم"
ھمے راھبندا چیرا داتگین گالبندان مارمرز کن إت۔
پاکستانی فوج- پاکستانءِ فوج
کوهی مردم- کوهءِ مردم
فوجی حمله- فوجءِ حمله
وانگی کتاب- وانگءِ کتاب
میری پَس- میرءِ پَس
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت