سندی قوم پرست راهشون ممتاز بٹو چہ سندءِ شھر لاڑکانہ دستگیر بوت و کراچیءَ برگ و بند کنگ بوت۔ ممتاز بٹو عوامی آواز نامین سندی روچتاکےءِ دفترءِ سرا بیڑ برگ و اودا پروشت و پرؤش کنگءِ سببا دستگیر کنگ بوتگ۔
أوارین جاھان شنگ بوتگین حالءِ ردا ممتاز بٹو ءِ گل 'سند نشنل فرنٹ'ءِ کم گيئش 24 سلاحبندین باسک روچتاک عوامی آوازءِ دفترا شتگ أنت و دفترا کارکنوکین مردم کہ آوانءِ تھا شونکار ھم گون بوتگ ترسینتگ أنت۔
أخباری دفترا بیڑ برگا رند پاکستانی حالکاران یک إشتاپی دیوانے سرجم کتگ و اودا چہ سرکارا لوٹ إش کتگ کہ ذموارین مردمان دستگیر به کنت، و سزا بہ دات۔
ممتاز بٹوءِ دستگیریءِ خلافا گلا جار پرّینتگ کہ آ یک شنبہءِ روچا مان صوبہءَ کاران بند کنائین أنت و تھروزی مچّی کن أنت۔
ممتاز بٹو بینظیر بٹوءِ ناکو بزان ذوالفقار علی بٹوءِ برات إنت و 1970ءِ دھرا سندءِ سر وزیر ھم بوتگ۔
بینظیر سرا آئی مدام زھر بوتگ کہ پرچا آئی راجپھازی سیاستءِ بدلا پاکستانی سیاست کتگ۔ ألبت چہ بینظیرءِ کشگ بیگا رند ممتاز بٹوءَ یکـّوئی آصف علی زرداری قاتل منـّتگ و إے درگتا مدام حالتاکان بیان ئی شنگ بوتگ أنت۔
أوارین جاھان شنگ بوتگین حالءِ ردا ممتاز بٹو ءِ گل 'سند نشنل فرنٹ'ءِ کم گيئش 24 سلاحبندین باسک روچتاک عوامی آوازءِ دفترا شتگ أنت و دفترا کارکنوکین مردم کہ آوانءِ تھا شونکار ھم گون بوتگ ترسینتگ أنت۔
أخباری دفترا بیڑ برگا رند پاکستانی حالکاران یک إشتاپی دیوانے سرجم کتگ و اودا چہ سرکارا لوٹ إش کتگ کہ ذموارین مردمان دستگیر به کنت، و سزا بہ دات۔
ممتاز بٹوءِ دستگیریءِ خلافا گلا جار پرّینتگ کہ آ یک شنبہءِ روچا مان صوبہءَ کاران بند کنائین أنت و تھروزی مچّی کن أنت۔
ممتاز بٹو بینظیر بٹوءِ ناکو بزان ذوالفقار علی بٹوءِ برات إنت و 1970ءِ دھرا سندءِ سر وزیر ھم بوتگ۔
بینظیر سرا آئی مدام زھر بوتگ کہ پرچا آئی راجپھازی سیاستءِ بدلا پاکستانی سیاست کتگ۔ ألبت چہ بینظیرءِ کشگ بیگا رند ممتاز بٹوءَ یکـّوئی آصف علی زرداری قاتل منـّتگ و إے درگتا مدام حالتاکان بیان ئی شنگ بوتگ أنت۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت