ماں أفغانستان په مغربی فوجیاں سامان رسینگءِ باروا گوں مرکزی إشیاءِ لھتے ملکاں قرار بندگ بوت أنت۔ مغربی ملکاںءِ ساماں کہ چدا پیسر پاکستانءِ راھا دیم پہ أفغانستان برگ بیگا بیتگ أنت، پشاورءِ کش گوراں یکـّوئی طالبان و ألقائدهءِ برتگیں بیڑانءِ آماچ بیتگ أنت۔
گوں مرکزی إشیاءِ ملک روس، گورجستان، ترکمنستان و تاجکستان نوک بستگیں قراربنداں رند پاکستانءِ راھا سامان و کالا برگ أنگار کنگ إبیت و إیشیءِ سببا پاکستانءَ رستگین میلیوناں ڈالر بند إبنت۔
أمریکاءِ نوکیں صدر باراک اوباما إرادہ کتگ کہ ماں أفغانستان وتی فوجیان دو ھمنچوک ھنـّیگا، بزان شش میلیون نفرا به رسینیت، إیشیءِ سببا اودا بازیں مال و کالا درکار إبنت۔ پمیشا پہ أمریکا راھانءِ إیمنی ضروری إنت۔
برطانیائی روچتاک 'ٹلی گراف'ءَ إے درگتا وتی داتگین حالا چہ أمریکائی فوجءِ کماندر 'ڈیود پٹروس'ءَ نقل قول کتگ و نشبتگ "بازیں نوکیں قرار گوں مرکزی أشیاءِ لھتے ملکاں بندگ بیتگ أنت که مئے تجارتی ساماناں چہ وتی ملکاں گوزگا بہ ھِلّ أنت"۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت