عراقی حالکار ألزیدیءِ خلافا أمریکاءِ صدر بشءَ بے عزت کنگءِ سببا ثبت بیتگیں کئسءِ دادگاھی مرچی ماں بغداد بندات بوت۔ إے حالکارا 22 دسمبر 09ءَ مان عراق صدر بشءِ نیمگا دو تا کئوش دئور دات۔ تورین بلــّی کئوش صدر بشءَ نہ لگـّت أنت، آ بے عزت ألـّما بوت۔دستگیر بیگا رند عراقی پولیسءِ پہ زور پرمایگءِ سببا ألزیدیءَ أچ بش پھلی لوٹگءِ یک کاگدے نبشتہ کتگ أت۔ ألبت آئیءِ سرا ثبت بیتگیں کئس پولیسا دیر نہ کتگ و آئیءِ دادگاھی مرچی بنگيج بیگا إنت۔
ماں برطانیا گرین پارٹیءِ سریں باسک، إنسانی حقانءِ پادمالیءِ خلافا جھد کنوک و نامداریں نبشتہ کار 'واجہ پیٹر تئچل' وتی بیانےءَ ألزیدیءَ دادگاھی کنگ إیر جت و گشت " صدر بشءِ حکمءِ سرا عراقءَ پہ زور گرگ و اودا صداں ھزار مردمانءِ کشگ بیگءِ خلافا وتی ناوشیا ظاهر کنگ ألزیدیءِ حق بیتگ"۔
.
ھما کئوش کہ ألزیدی بشءِ سرا دئور داتگ، ترکیءِ 'بیدان شوز' نامیں کمپنےءَ أڈ کتہ بیتگ۔ کئوشءِ نامور بیگا رند ھر کسءِ دلا ھمے 'مارک'ءَ زیرگءِ ھب پاد آتکگ۔
مردمانءِ واھگءِ پدا کمپنیا کئوشءِ 'ڈیزائن'ءِ نام ھم مٹـّینت و 'گو بش' (بش برو) نام بست۔ چدا پد کمپنیءِ کئوشانءِ بھا بیگءِ حسابا 250٪ گیئشی آتکگ و آ 100 گئیشیں مردم کارا دارگا مجبور بوت۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت