بلوچ رپبلکن پارٹیءِ گوانکو واجہ شیر محمد بلوچ گشت کہ 'یونائٹڈ نئشن'ءِ کارمند جان سولکیءَ چکانپگ و پہ زور وتی گورا دارگ بلوچ دودمانءِ ردا نہ إنت۔ بلوچ دودمانا مھماناں باز عزت کن أنت۔
آئی سرکچ دات "مئے وتی سریں جھدکار چوش کہ داکٹر بشیر عظیم، جلیل ریکی، چاکر قمبرانی و گلءِ دگہ صداں باسک بندیگ أنت۔ إیشاں أبید ھزاراں کس جنگ، کشگ و درانڈیہ کنگ بیتگ أنت۔ ھنوگیں جمھوری سرکارا هم مئے سرا زوراکی برجاہ داشتگ أنت؛ أنگت لھتے پڑاں أچ پیسرا گیئشتر کتگ أنت"۔
'جنگ' روچتاکا شنگ بیتگیں بیانا دیمترا آتکگ " راستے بلوچانءِ سرا پھکیں زوراکیانءِ حال 'یونائٹڈ نئشن'ءَ دیگ بیتگ أنت و أچ آوانءِ نیمگا کارے نہ بیتگ، بلے إیشیءِ مانا چُش نہ إنت کہ ما وتی لوگءِ مھمانانءِ قدرا به شموشین"۔
شنگ بیتگیں بیانءِ گڈسرا لوٹ کنگ بیتگ کہ إنسانی ھمدردیءِ حسابا بے میاریں جان سولکی باید یلہ دیگ بہ بیت۔
هیچ نظری موجود نیست:
ارسال یک نظر
وتی کلوا چێرا نبیس إت