برطانیاءِ روچتاک 'گارڈین'ءَ مردماں حیرانیا دئور دیوکیں یک رپورٹے شنگ بیتگ۔ رپورٹءِ تھا گشگ بیگا إنت کہ پاکستان و برطانیاءِ چاریگاں شق سرا دستگير کتگيں بازیں مردم ھؤریا لٹ کٹ کتگ أنت۔
إنسانی حقانءِ پانکجیں 'یومن رائٹس' نامیں تنظیمےءِ سرجم کتگیں رپورٹ گشگا إنت کہ برطانیاءَ 10 ھنچیں مردم دیما آتکگ أنت کہ آ پاکستانءَ لٹ کٹ کنگ بیگا رند برطانیائی چاریگاں جست پرس کتگ أنت۔ إے دھیں مردمانءِ لٹ کٹ بیگءِ حالانءِ شنگ بیگا رند بیت کنت کہ ھمے ڈولیں ناروائیاںءِ آماچیں دگہ بازیں کس دیما بیا أنت۔
علی دایان نامیں مردمےءَ کہ پاکستانءِ توکا پہ 'یومن رائٹس واچ' تنظیما پٹاسکاری کتگ، گشتگ کہ پاکستانءِ آئی إس آئی، چاریگانءِ بیورو و فوجی چاریگانءِ نیاما ھستيں مردماں آئیا ضروریین ثبوت و سرپدی داتگ أنت کہ بندیگاں لٹ کٹ کنگا برطانیاءِ ھوری کاریا پیش دارگا أنت۔
رپورٹءِ توکا ظاھر کتگیں مردمانءِ نیاما یکـّے رنگزیب أحمد إنت کہ ألقائدهءِ باسک بیگءِ شقا پاکستانی چاریگاں لٹ کٹ کتگ و پدا برطانیاءِ 'إم آئی فائو'ءِ دو باسکان چست پرس کتگ۔ لٹ کٹءِ درگتا رنگزیبءِ سئے لنککانءِ ناکں کشـّگ بیتگ أنت۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت