سری لنکاءِ مرکزی شھرءِ سرا ٹائگر گراباں حملہ کت

بی بی سی حال شنگ کت کہ سری لنکاءِ بُنجاھی شھر کولمبوءِ سرا دو تامل ٹائگر گراباں بیڑ برتگ۔ إیشیءِ سببا دو کس کشگ و 45 ٹـپّی بوتگ أنت۔ سری لنکاءِ فوجا دوئیں گراب جتگ دئور داتگ أنت۔

مرتگ و ٹپیین مردم ماں ملکءِ ٹکس آفیسءِ ماڑیا کارا بیتگ إنت کہ یکـّے أچ جنگ بیتگيں گراباں آئیءِ سرا کپتگ۔ دومی گراب شھرءِ بالی پٹءِ نزیکا جنگ دئور دیگ بوتگ۔

سری لنکاءِ شمالی ھنداں تامل پہ وتی آزادیا سالاں سال إنت کہ جنگا أنت۔ گپڑے سال بیتگ کہ تاملاں لھتے دمگ وتی دستا زرتہ بیتگ أنت و اؤدا وتی سرکار إش رواج داتگ، ألبت ھنـّوگاں سرلنکاءِ سرکاری فوجا تامل ھنداں آپریشنے بندات کتگ۔

همیشیءِ سببا بازیں تامل جنگول و ھنچنائیں مردم کشگ بیتگ أنت و تاملانءِ دستگپتگیں گيئشتر ھند سری لنکاءِ فوجا پدا پچ کپتگ أنت۔

Rights reserved by www.balochinews.com