مشرقی بلوچستانءَ ڈیرہ بگٹیءِ نزیکا ماں 'لوٹی' یکشنبهءِ بامگاها گئسءِ چاتے بمبتراکےءَ بن دیگ بوت۔ ھفتگےءِ تھا إے دومی چات إنت کہ گون بمبتراک ماندارگ بیگا إنت۔
لوٹیءَ گئسءِ 25 چات ھست أنت کہ چہ إیشاں درکتگیں گئس أبید چہ بلوچستانءَ پاکستانءِ آدگہ دمگاں راہ دیگ إبیت۔
بی بی سیءِ ردا نوک بُن داتگیں چات نمبر 1 إنت، و چار روچ پیسر چات نمبر 3 ماندارگ بیتگ أت۔ دوئیں چاتاں ماندارگءِ ذمواری بی آر إےءِ گوانکو سرباز بلوچءَ وتی سرا زرتگ أنت۔
آنگو بلوچستانءِ سروزیر أسلم رئیسانیءَ گون پاکستانءِ تـَھی جاورانءِ مشیر رحمان ملک ڈیک وارتگ و چہ آئی دستبندی کتگ کہ بلوچستانءَ گيئشتر فوجی دیم بہ دات، پرچا کہ إیمنی برجاہ آرگا ھستيں فوجیانءِ حساب کم إنت۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت