ماں زاھدان یکشنبهءَ بندات بیتگیں سرکاری شیعہ و سرکار مخالف سنیانءِ وت ماں وتی جنگ چؤپگ أنگت برجاہ أنت۔ زییں روچءَ 10 کسانءِ کشگ و 100 کساں شہ گيئشءِ ٹپـّی بیگا رند مرچی 'مھر إقتصادی بنجاہ'ءِ ماڑی ماندارگ بوت و ماں ماڑیا کار کنوکیں مردمانءِ نیاما شش کس پیلوشت، مرت أنت۔ ألجزیرہءِ ردا مرتگیں مردمانءِ کشا دگہ درزان ٹپـّی بیتگ أنت۔
زاھدانءِ شیعہ سنی جنگ زی ھما وھدی بنا بیت أنت کہ 28 مئے 2009ءِ بمبتراکا کشگ بیتگیں مردمانءِ پرساں شتگیں سنی عالمءِ مولوی عبدالحمیدءِ سرا شیعوان بیڑ برت۔ شیعوانءِ بیڑا مولوی رکـتگ أت، بلے آئیا رکـینگءِ جھدا یک سنییےءِ کشگءِ بیگءِ حال شنگ بیتگ أت۔
مولوی عبدالحمیدءَ حال داتگ أت کہ زییں جنگ چؤپگا پنچ کس کشگ بیتگ أنت۔ ألبت دگہ بازیں حاگھاں کشگ بیتگیں 10 کس ظاھر کنگ بیتگ إتنت۔ سرکاری واکاں وتی حالجاھانءِ تھا بازیں کساں دستگیر کنگءِ خبر شنگ کتگ۔
إیرانی پارلمنٹءِ توکا زاھدانءِ نمایندگی کنوکیں یک پیسری باسکےءِ گشگ ردا یکشنبہءِ جنگ ھندی مردم و 'شخصی گد پوشتگینان'ءِ نیاما بیتگ۔ شخصی گد پوشتگین گالبند پہ سرکاری واکدار و سرکارءِ نان آپ کتگیں آبادکاراں کارمرز کنگ إبیت۔
زاھدانءِ شیعہ سنی جنگ زی ھما وھدی بنا بیت أنت کہ 28 مئے 2009ءِ بمبتراکا کشگ بیتگیں مردمانءِ پرساں شتگیں سنی عالمءِ مولوی عبدالحمیدءِ سرا شیعوان بیڑ برت۔ شیعوانءِ بیڑا مولوی رکـتگ أت، بلے آئیا رکـینگءِ جھدا یک سنییےءِ کشگءِ بیگءِ حال شنگ بیتگ أت۔
مولوی عبدالحمیدءَ حال داتگ أت کہ زییں جنگ چؤپگا پنچ کس کشگ بیتگ أنت۔ ألبت دگہ بازیں حاگھاں کشگ بیتگیں 10 کس ظاھر کنگ بیتگ إتنت۔ سرکاری واکاں وتی حالجاھانءِ تھا بازیں کساں دستگیر کنگءِ خبر شنگ کتگ۔
إیرانی پارلمنٹءِ توکا زاھدانءِ نمایندگی کنوکیں یک پیسری باسکےءِ گشگ ردا یکشنبہءِ جنگ ھندی مردم و 'شخصی گد پوشتگینان'ءِ نیاما بیتگ۔ شخصی گد پوشتگین گالبند پہ سرکاری واکدار و سرکارءِ نان آپ کتگیں آبادکاراں کارمرز کنگ إبیت۔
بلوچ حالرسان 'تفتان'ءِ ردا ماں زاھدان فوجی قانون رواج دیگ بیتگ۔ زابلی بسیجی و سرکاری واکدار شھرءِ أواریں بھراں پرتر مانتر کنگا أنت۔ شھر إے وھدی بیتوار إنت، ألبت مردمانءِ جاہ جنگا باز دیر نہ گوزیت۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت