پاکستانی ٹلوژن چئنل 'آج'ءِ ردا پاکستانی واکاں شش کس دستگیر کت و إیرانی واکانءِ دستا دات أنت۔ حالءِ ردا ششیں کس إیرانی بیتگ أنت۔ ألبت آوانءِ دستگیر کنگءِ جاگہ، نام و دستا دیگءِ روچ ظاھر کنگ نہ بیتگ۔ترانگ بہ کپ إت کہ 30 مئے 2009ءَ ماں تھران نندارینتگیں پاکستانی سفیر محمد بخش عباسی إیرانی واکاں وتی گورا توار کتگ أت و آئی إش ڈوبارتگ أت کہ پاکستانءِ سرڈگارا چیرٹپـّتگیں جنگول بران برانا إیرانءِ تھا بیڑ بر أنت۔ ألبت پاکستان آوانءِ دستگیر کنگا نہ تـُکشگا إنت۔
ماں پاکستان نندارینتگیں مسعود نامیں إیرانی سفارتکارےءَ کراچیءَ گوں ملکءِ 'جماعت إسلامی' نامیں سیاسی گلےءِ سروکا گِدار کت۔ گدارا رند جماعت إسلامیءِ سروک منور حسن گشت کہ إیرانءَ مسلمانانءِ سر بلند کتگ۔ پہ مسلمانانءِ تپاکیا إیرانی واکدارانءِ کارکرد لایق ستا إنت۔ آج
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت