آسٹرالیاءِ 'بونڈانون' نامیں کسانیں شھرےءَ بوتلی آپ بھا کنگ مھن کت و مرچی دکانداراں گڈی بوتل شہ شِلفاں دیر کت أنت۔ إے تاریخی گامگیجءِ ستایا صداں مردماں شھرءِ أواریں دگاں گام جَت۔بوتلی آپءِ مھن بیگا رند شھرءِ بازیں دمک و دگانءِ کشا ورگی آپءِ نل جنگ بیتگ أنت۔ إیشیءِ کشا ماں دکاناں خالییں بوتل ھم دستا کپیت کہ مردم إش شہ آپءَ پُر بہ کن أنت و گوں وت بہ بر أنت۔
سڈنیءِ جنوبی نیمگا آبادیں بونڈانون شھرا دو ماہ ساریا فیصلہ کتگ أت کہ آپی بوتلاں مھن کنت۔ إیشیءِ مقصد چاگردی آلودگیا کم ترّينگءِ پڑا وتی دستا ھؤر کنگ إنت۔
إے پی إفءَ شنگ بیتگيں حالءِ ردا بونڈانون دنیاءِ أولی شھر إنت کہ إے راھا رھیج گپتگ۔ و مردماں اُمید ظاھر کتگ کہ دنیاءِ دگہ بازین ھند ھمے وڑیں کاکرد شون دی أنت۔
ھمے ردا 'ڈی' نامیں ھندی راھشونےءَ گشت "تاں آھدی کہ دنیاءِ سیاستکار چاگردی آلودگیءِ باروا فیصلوے بہ کن أنت، ما شہ وتی نیمگا بازیں کار گيشینت کنیں"۔
هیچ نظری موجود نیست:
ارسال یک نظر
وتی کلوا چێرا نبیس إت