کوئٹہءَ 'طالبان' ھست أنت؛ إمریکاءِ سفارتکار

أمریکائی سفارتکارےءَ گـُشت کہ ماں کوئٹہ 'طالبان' ھست أنت و شہ پاکستانی واکاں لوٹ ‏ئی کت کہ إیشانءِ خلافا توجیلے بہ کن أنت۔

"(طالبان) کوئٹہءَ نندوک أنت و ضروری إنت کہ پاکستان ولگوج إش بہ کنت" ماں کراچی نندارینتگیں 'سٹیفن فکان' نامیں کونسل جنرلا سرکچ دات۔

واجہ فکانءَ گشت کہ پاکستانی راھشونانءِ جندا إے خبر منـّتگ کہ کوئٹہءَ طالب ھست أنت۔ آئیءِ خیالا أگر ھنـّی کوئٹہءَ طالبانءِ خلافا گامگیجے زیرگ نہ بیت، گڈا وزیرستانءِ وڑیں جاور ودی إبنت۔

"پاکستان و أفغانستانءِ سیمسرا طالب آزادیا رو آ کن أنت۔ و شمئے وتی سرکارءِ مردمان جندا منـّتگ کہ لھتے طالب شورشی کراچی و إسلام آباد ھم رو آ کن أنت" آئیا سرجم کت۔ پی ٹی آئی

.

ترانگ بہ کپ إت کہ چدا پیسر أمریکاءَ یک دراجکشیں رپورٹے گشگ بیتگ أت کہ 'طالبان'ءِ شورا ماں کوئٹہ جاہ منند إنت۔ آ رپورٹ پاکستانی واکاں کچّہ چتگ أت و گشتگ إتش کہ دروغیں رپورٹے۔
Source: www.balochinews.com