سریاب دگ کوئٹہءَ بمبتراکےءَ یک فوجییے کشت، دو ٹپـّی کت أنت

روچتاک إنتخاب: سریاب دگ، گاھی چار راہ، کوئٹہءَ دو فوجی گاڑیانءِ گوزگءِ درگتا بمبے ترکّ إت۔ بمبتراکا سیمسری فوجءِ گاڑیءِ ڈرائور إحسان اللہ کشت و ظفر إقبال و فضل نامیں دو سپاھی ٹپـّی کت أنت۔ ٹپـّییں فوجیانءِ کشا دو راھگوَز ھم ٹپـّی بوت أنت۔

إیشاں أبید موٹر سائکل سواراں ماں 'شھید أعظم نواب بگٹی دگ'ءِ سرا دو کس تیرانءِ دپا دات أنت۔ شہ إیشاں آصف نامینے بیران بوت و ألطاف نامینے ٹپـّی إنت۔ مرتگیں آصف 'پولیس سپرینٹندٹ' موسا جعفریءِ برات ظاھر کنگ بیتگ۔

۔

اودا ماں گوادر یک تلپیں موٹر سائکلےءَ زیرگ و دیم پولیس بنجاھا برگءِ درگتا موٹر سائکل ترکّ إت۔ إیشیا جلالخان نامیں پولیس سپاھییے جاہ پہ جاہ کشت و یاسر نامینے ٹپـّی کت۔
Source: www.balochinews.com