ایرانی حالرسانکےءَ داتگ کہ الکاپیں رواک نہ رسگءِ سببا بلوچستانءِ زھگ آدگہ ایرانی زھگانی وڑا رشت کنگا نہ انت۔ اے حالا زاھدان زانتجاہءِ دوادرمانی علمءِ سروک نقل قول کتگ کہ بلوچستانءِ زھگ 5 سنٹی میٹر پٹکتر انت۔
اے خبرءِ وانگا پد منا یک کوھنیں گپے یاد آتک۔ ما لھتے بلوچ گوں ایرانیاں یک ھاسٹلےءَ جاھمنند اتیں۔ یک روچے یکـّے شہ ایرانیاں دیم گوں من کت و درّائینت ئی "شما بلوچ پھک ھمنچو پٹ ات کہ شش کس شہ شما ردا اوشتارینگ بہ بیت، گون یک مشتےءَ ششیں کس کپ ات۔"
ایرانیءِ اے خبرا نہ وش بیتاں، بلے ھچ نہ گوئشت۔ رندترا یک دگہ بلوچ سنگتے آتک و دیوانجاھا من، ایرانی و ھما سنگت یکجاہ بیتیں، گڈا من ایرانیءِ خبر ظاھر کت۔
بلوچ سنگتا درّائینت "تو بگشیں کہ فلاں کسا ( وتی نام ئی گپت) ترا ھوپ نہ کتگ پمیشا چؤش گشئے۔"
نیں کم وراکیءِ نیمگا پدا بہ رویں، اے ردا بلوچاں لھتے بتل ھست انت کہ زھگانی باز وراکیا شر نہ زان انت۔ شہ ھمے بتلاں دو چیرا داتگ انت۔
1- شومءِ زھگ وروک بیت و نیکبھت مال (دلوت)۔
2- باز وَردی زوگل بندی، کم وردی کمر بندی۔
هیچ نظری موجود نیست:
ارسال یک نظر
وتی کلوا چێرا نبیس إت