 |
| شاگردانی وابجاہ ۔چابھارءَ ستکگ و بیران بیتگیں سئے بلوچ جوانانی عکس ۔آنلائن فوٹو |
فارس نیوزءِ ردا بلوچستانءِ شوراءَ یک کاگدے ایرانءِ تعلیمءِ وزارتا راہ داتگ و شہ آواں جست کتگ کہ چابھار زانتجاہءِ وابجاھا ستکگیں سئے شاگردانی کٹمانی جستاں پسّہ دیوک کے اِنت؟
عبدالعزیز بلوچزئیءَ وتی کاگدا نبیستگ ”امبری، چارشنبہ، 4 آبانءَ صحبءِ کلاک ششءَ زرباری علمءِ زانتجاہ چابھارءَ بچکانی وابجاھا دو شاگرد سُتک و بیران بوت اَنت، دگہ سئے وانوکانی بدن صدا کساس 90 ستک و ٹپی بوت اَنت۔ اے کپْتا ھر زندگیں دل دردیگ کت۔
”نیں اے جست پہ پسوےءَ پشت کپتگ؛ باریں اے معصومیں زھگاں سوچکءِ میار کئی سرا اَنت؟ ۔ ۔ ۔
”واجھیں وزیر! باریں تو سرپدئے کہ چابھارءَ چے بیگا اِنت؟ تو زانئے کہ طفل ستکگ اَنت و یک امبولنسے نیست کہ آواں پرگنگءِ مرکزی شھرا بہ رسینیت؟ کم کاری و دروغبندیں ذموارانی نروریانی سببا تانکہ کدی مردم ھمے وڑیں دلسوچیں تاوانانی دیمپان بہ بی اَنت؟
”شہ تئے وزیرا دستبندی اِنت کہ دیر پرگوَزگا پیسر بیا کپتگیں آس و ستکگیں طفلانی سبباں شوھاز بہ کن، و غمیگیں کٹمانی دلاں کہ آواں شہ خداءَ در دگہ کسے نیست، ساریں۔“
هیچ نظری موجود نیست:
ارسال یک نظر
وتی کلوا چێرا نبیس إت