درملکی کارباریاں پاکستان تلپ کتگ

پاکستان پہ باپاراں ناساز اِنت۔ معیشتی زانتکارانی ردا بے ایمنی، سیاسی چست ایر، چیر زیر کنگءِ رواج و کاربارءِ نگیگییں چاگردءِ سببا درملکی زرکاری سک کم ترّتگ۔ خزانہءِ وزارتءِ بنشونءِ گشگ انت کہ پاکستانءَ درملکی زرکاری صدا 83 جھل آتکگ۔

مالی سال 12- 2011 ءِ اولی 3 ماھانی نیاما امریکہ، برطانیہ و دگہ دیمروی کتگیں ملکاں پاکستانءَ ایوکا 5 کروڑ یک لکھ ڈالرءِ زرکاری کتگ۔ ایشیءِ دیم پہ دیمیا گوستگیں سالا شہ 29 کروڑ ڈالرءَ گیشءِ زرکاری کنگ بیتگ۔

کوّاسانی ردا ھنچوشیں معیشتی چاگرد کہ اودا نہ آپ بہ بیت نے کہ گیس، نہ برق نےکہ پکّاین دمک و دگ بہ بنت گڈا ھچ زردار زرکاری کنگا ساڑی نہ بیت۔ وش نیوز