انسانی حقانی پادمالی ې خلافا نشنل پارٹی ئا میڑی کۏت

بلوچستانا مردۏمانی دستگیری، بندیگی، کوش ۏ دگه وڑیں انسانی حقانی پادمالی ې خلافا نشنل پارٹی ۏ بی اس او ې سرکشّیا کراچی پریس کلب ې دیما دۏشنبه ئا مردۏماں میڑی کۏت۔ میڑی ې تھا نشنل پارٹی ې سریں جھدکار واجه طاھر بزنجو، جان بۏلیدی، رجب علی رند، حمید بلوچ، نعمت گچکی، فدا دشتی، ایوب قۏریشی، مۏھم خان بلوچ، بانۏک طاھرہ خۏرشید، بانۏک گۏل بی بی ئا ھوار چه ملیر ۏ کراچی ې دگه ھنداں آتکگیں صداں مردۏماں بھر زۏرت۔ میڑی ې درگتا نشنل پارٹی ې سروکیں مردۏم گاریں بلوچستان ې گاریں مردۏمانی سیالانی کمپا شۏت اَنت ۏ شۏدکشیا نشتگیں مردۏمانی دیما وتی ھمدردی إش درشان کۏت اَنت۔

Photos: NATIONAL PARTY YOUTH ORGANIZATION Facebook Group