یک جاپانی سیاسی جھدکارے وتی چورکی لنککا برّ گ و ملکء وزیراعظم شینزو ابےء سرا دیم دیگء سوبا دستگیر کنگ بیتگ۔یوشی ھیرو تنجو گشتگ کھ آئی وزیر اعظمء تھرؤز کنگا اے کار کتگ چیا کھ وزیر اعظم جنگاں بیران بیتگیں مردمانء زیارتء شصت دومی سالرؤچا برجم داشتگیں مچـّيا بھر نھ زرتگ۔ آئی گشتگ اگر آئي خالیگیں کلھے دیم بداتینت گڑا وزیر اعظما ڈالچار کتگت۔
یاسوکونی زیارت جنگاں کشگ بیتگیں جاپانی مردمانء یاتا اڈ کنگ بیتگ، بلے لھتے جنگی مجرمانء ھؤر بیگء سوبا اے زیارت نا تپاکیء سوب جؤڑ بیتگ۔
وزیر اعظمء سرا دیم داتگیں پاکتء تھا لنککا برّ گء ڈی وی ڈی ھم ھؤر کنگ بیتگ۔ ٹکرے چرے ڈی وی ڈی جاپانء ٹلوژنا پیشداشتگ کھ اؤدا تنجؤ وتی کلھا وانگا انت و پـشتا جاپانء بیرک ٹالنت۔
وزیر اعظم ابے گؤستگیں سالء ستمبر ماھا وتی اگدہء سوگندا ورگا چھ پیسر اے زیارتا شتگ، بلے چھ آئی رند وتی ھمساھگیں ملکاں گؤں رشتگا خراب نھ کنگء خاطرا وتے چرے زیارتا یک کـرا داشتگ۔ گؤستگیں ھفتگا اے زیارتء شصت دومی سالروچء مچّيا ھم آئی بھر نھ زرتگ۔ اشیء بدلا ٹوکیو شھرا یادگاری دیوانیا آئی شتگ۔
نامگپتگیں زیارت گؤستگیں پھکیں جنگاں کشگ بیتگیں 2.5 میلین جاپانیانء یادگارنت۔ اشانء تھا دومی جھانی جنگء لھتے میاریگیں جنگی مجرم ھم ھؤرنت۔ سرکاری مردمانء نیمگا اے زیارتا آیگ کچّھ چنؤکیں ھمساھگاں ھمے کلھا دنت کھ جاپان 1930-1940ء درمیانا کشتگیں ھمساھگاں سرا ھچ پشؤمان نھ انت۔
پیسری وزیراعظم جونی چیرو کوئی زومی وھدے اے زیارتا رو آ کتگت گڑا جاپانء رشتگ گؤں چین و جنوبی کوریا خراب بیتگ تنت۔
بی بی سی 23 اگست، 07
هیچ نظری موجود نیست:
ارسال یک نظر
وتی کلوا چێرا نبیس إت