لندنء دلگاھی ھندا یونین آف لندنء یونیورسٹیء ماڑیء تھا نواب اکبر بگٹیء شھادتء اولی سالروچء درگتا صدا چھ گیئش بلوچ، سندی و آھانء دوستواہ مروچی یکشنبھء بیگاھا سرجم بیتگ تنت۔ اے دیوانا شھیدء اعظم سک باز ساڑاھت و آئی زند و جھدء سرا چمشانک دات۔دیوانء مھمانداری واجھ صمد بلوچء دستا ات و گپ جنؤکاں خان قلات سلیمان داؤد، داکٹر نصیر دشتی، قادر جتوئی، داکٹر لکو لھانا، اسماعیل امیری، جمشید امیری، مھراب سرجو و غلام حسین بلوچ ھؤر تنت۔ اشیا چھ بید واجھ فیض بلوچ مھران مریء کلھ پھ دیوانا ونت۔
البت چھ پھکاں گیئشتر دیوانء مردمانء چم کسانسالیں پرین حسین بلوچء گپاں ارسیگ کتنت۔ پرین یک راجدوستیں کھولےء تھا بیتگیں پھکیں کسانسالیں چکانء مارشت الکاپیں وڑیا ماں انگریزیا درشان کتنت۔ آئي گشت " من نواب بگٹیا وتی پیرک زاناں و پھر بنداں کھ منی پیرک 80 سالء عمرا مئے ماتیں وطنء پھازگا شھید کنگ بیتگ۔ مئے دشمناں آئی جؤن چھ ما برتگ بلے روحی ھر وھد مئے مغز و دلاں زندگ مانیت۔ اُ منی پیرک! من پھر بنداں کھ من ھما بلوچستانء چکاں کھ تو پھ آئی وتی جان ندر کت"۔ھردیں پرین دیمترا نواب بگٹیء ارواھا قول دات و گشت کھ آ پھ ماتیں وطنء آجوئیا نوابء جھدا جاری کنت تا ھما روچی کھ بلوچستان چھ بدانء چنگلان آجو ببیتنت۔ روچے کیئت کھ ما وتی زمینء سرا وتی دستاں گؤں پھر شھارنت و بگوشنت 'اے منی وتی وطننت، منی وتی بلوچستاننت'۔
هیچ نظری موجود نیست:
ارسال یک نظر
وتی کلوا چێرا نبیس إت