جھموری وطن پارٹی -عالی گروپ 17 مارچءِ شھیدانءِ یادا ماں ڈیرہ بگٹی جلسوے برجم داریت و ھمے روچا بلوچ رپبلکن پارٹی ماں کوئٹہ دیوان کنت۔ إے دیواناں أچ أواریں کنڈاں پہ بھر زیرگا بلوچ کا أنت۔ماں کوئٹہ جلسہءِ برجم دارگءِ جارا جنگءِ درگتا جیند قمبرانی گيئش کت کہ پارٹیءِ کارگشاد داکٹر بشیر عظیم، مرکزی کمیٹیءِ باسک چاکر قمبرانی، حالرسانیں کارگشاد واجہ جلیل ریکی، اورنگ زیب بادینی، شیھک بادینی و فرید بلوچءَ گوں ھؤر بلوچ رپبلکن پارٹیءِ 700 باسک بندیگ أنت۔
"إیشاں أبید دیریگاں دستگیر کنگ بیتگیں سلیم لانگو، إقبال بلوچ زرینہ مری، واحد قمبر، أصغر علی بنگلزئی و محب علی بگٹی أنگت بندیگ أنت" واجہ قمبرانی وتی خبراں گيئش کت۔
17 مارچءِ شھیداںءِ روچءِ ردا (خان سلیماں داؤدءِ) 'إیلم إتحاد'ءَ جار پرّینتگ کہ آ ماں کوئٹہ و دگہ ھنداں بیوکیں بی آر پیءِ دیواناں بھر زیر أنت۔ توار
17 مارچ 2005ءَ پاکستانءِ فوجی گراباں ڈیرہ بگٹیءِ سرا بمبگواری کتگ أت کہ إیشانءِ سببا سرکاری حسابانءِ ردا 45 کس کشگ بیتگ إتنت۔ کشگ بیتگیں مردمانءِ نیاما ھندو ٹمپلےءَ عبادت کنوکیں جنیں و چوریگانءِ ھؤریا 17 گوں إتنت۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت