بلوچستانءِ گورنریءِ وھدا پہ اُستاداں میر غوث بخش بزنجوءِ زرّیں گفتار:
من گورنرئیاں کہ بیگواہ باں، شما اُستاد إت کہ أبد مان إت۔
بزنجو
من گورنرئیاں کہ بیگواہ باں، شما اُستاد إت کہ أبد مان إت۔
بزنجو
لچّہ 2: عبدالمجید گوادری
سوسنیں گیوار، تاکدیم 45
براتاں بزنجـــو بیرے أت
پہ راج و بلوچستانءِ بــدا
چھر وھد ترّیت گوَم گوَما
قرن گـــوَز أنت پد مہ پدا
بے کچّین دَھـــر روت بے دما
موسم چکـــــــــرّ أنت چؤ دردا
پروش بوارت بلوچانءِ کماش
بنت ھنچیں نوبت کــــد کــــدا
بژنیگ إنت ماتیں گلزمین
أچ پسـّگــــــــــانءِ کارپدا
بــــاریں کـدی دربیئت یلے
چہ 'غــــوث'ءِ فکــرءِ مَلپدا
راج و بلـــــوچـستانءِ مدام
زانتکار بہ بیت نیک و بدا
(أفسوز)۔۔۔
'باجواں' دروہ إت سر وتی
سر کہ رو أنت نیا أنت پدا
'چـــنواں' گنداں دل گشیت
آس دئے مجید لـڈ ّءِ لــــدا
غوث یا غوثی: شہ دوستیا میر غوت بخش بزنجوءَ گش أنت۔
سر کہ رو أنت نیا أنت پدا
'چـــنواں' گنداں دل گشیت
آس دئے مجید لـڈ ّءِ لــــدا
غوث یا غوثی: شہ دوستیا میر غوت بخش بزنجوءَ گش أنت۔
چنـّو: بلوچ تاریخءِ بدنامیں کردے إنت کہ وتی مھمانے کشیت
باجو: بلوچ تاریخءِ بدنامیں کردے إنت کہ وتی ھمراھا درؤھیت۔
Source: www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت