عبدالحمید ریگی و مولوی عابد گھرامزھیءِ پیشداشت

کساس ماھے بیت کہ إیرانی واکان دو بلوچ بندیگ گون أنت و بلوچستانءَ میتگ پہ میتگ إش ترّینگا أنت۔ گوں ھندی کماشاں دیوان کنگا أنت و شہ بندیگانءِ دپا آوانءِ کتگیں کارکردانءِ داستاناں مردماں سھیگ کنگا أنت۔ إے بندیگاں یکـّے عبدالمالک ریگیءِ برات عبدالحمید ریگی إنت کہ بازیں لٹاں گِندگا سربتگ کتگ۔ و دومی عابد گھرامزھی نامیں عالمے إنت۔ عابد ھم شہ مولوییےءَ گيئشتر یک تریاکی مردمے جوڑ کنگ بیتگ۔

خاصیں گپ إیش إنت کہ عبدالحمید ریگیءَ ماں دیوانےءَ گشتگ کہ آئی گوں أمریکائیاں گدارےءِ درگتا وتی برات عبدالمالک ھمراہ بیتگ کہ ماں آ دیوانا أمریکائیاں صد ھزار ڈالر عبدالمالکءَ داتگ۔ ھوریا عبدالمالکءَ زبان إش داتگ کہ آئیا نوکیں سلاح دی أنت۔

إیرانیانءِ خیالا آ عبدالمالک ریگيءِ باروا إے وڑیں خبرانءِ پاشک کنگءِ برکتا بلوچاں شہ آئیا بد دل کن أنت۔ ألبت راستی إیش إنت کہ جزباتی نوجوان گوں إے حالان إشکنگا کہ عبدالمالک ریگيءَ أمریکاءِ ڈولیں زنڈیں پشتے ھست إنت، گڈا أنگت گيئشتر آئیءِ ٹولیءِ نیمگا جزب إبنت۔ ھر دوئیں وڑاں لبرال دمکراسیءِ جھدکار تاوانبار إبنب۔

چؤش ھم بیت کنت کہ پہ لبرال دمکراسی جھد کنوکیں بلوچ قومدوستانءِ پلانگری زیروکانءِ کم ترّینگا إیران واهوک إنت۔ خیال ھمیش إنت کہ ھنوں بلوچستانءِ گيئشتر مردم وتی سرڈگارءِ آزادی و اودا یک لبرال دموکراسی سرکارے جؤڑ کنگا واھوک أنت۔Rights reserved by www.balochinews.com