إیرانی سرکارءِ نندارینتگیں بلوچستان ھنکینءِ دوا درمان وزارتءِ سروک محمد مھدی واحدی گشت کہ تنے وھدی بلوچستانءَ خوکی پشانکءِ ھچ نادراہ نیست إنت۔ پدا هم پہ إے نادراھیءِ دیما دارگا 'بو علی نادراھجاہ'ءَ جدائیں بنجاھے ساڑی بیگا إنت۔آئیا دستبندی کت کہ شہ تپ و کلــّگءِ آماچیں مردماں وتا دیر بہ دار إت و دستاں مدام گوں صابن و سلـّویں آپ بہ شود إت۔ ھوریا سلـّویں وراک ورگ و ورزش کنگ إیشی دیما دارگءِ شرتریں توجیل أنت۔
مھدی واحدی دیمترا گشت کہ زاھدانءِ پالی پٹـّا ھم خوکی پشانکءِ دیما درگءِ مقصدا یک ٹولییے نِندارینگ بیتگ۔
برزا داتگیں حالا دیگا پد إرناءِ حالکارا تبصرہ کتگ کہ بلوچستانءِ سیمسر گوں پاکستان و أفغانستان نزیک إنت۔ ھؤریا درجکشیں زربارے ھم ھست إنت۔ شہ إے راھاں إیرانی و درملکی بلوچستانءَ روگ و آیگا أنت۔ پمیشا پہ خوکی پشانکءِ دارگا گيئشتر توجیل پہ کار إنت۔
Source: www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت