ماں زاھدان سنی عالم أڈ کنگءِ کارخانہءِ نوک سنگارتگیں مولویانءِ دیمدرائی -دستار بندی -دیوانءِ دیما شیعه ملا مھدی تسخیریءَ ھم تران کت. آئیا گشت کہ شیعہ و سنی ھردو مسلمان أنت و إیشانءِ نیاما فرق پیشداروک إسلامءِ دشمن أنت۔ ماں إیرانءِ سرکاری حالجاھاں شنگ بیتگیں خبرانءِ ردا ملا تسخیریءَ دیمترا جست کتگ "پرچا ما مغریبانءِ أڈ کتگیں داما بہ کپیں؟ مغربی ملکانءِ جند إسلامءِ عزتا نہ کن أنت وتی جاها، بازینے شہ آواں إسلامءِ خلافا پندل سازی کنگا أنت"۔
وتی خبراں آئیا سعودی عربءِ نیمگا إشارہ کت و گشت کہ لھتے مردماں شہ چل سال أنگت گيئش إنت که واک إش دستا أنت، بلے تنے وھدی ملکءِ مردماں وتی عاقبت دستا دیگ نہ بیتگ۔
آئیا پدا جست کت "أگر ما مَنـّیں کہ ملایانءِ کار أنبیاءِ نمایندگی إنت، گڈا پرچا أنبیاءِ ھمے حکمءِ سرا عمل نہ کنیں کہ گشیت 'حکومت مردمی بہ بنت'"۔
هیچ نظری موجود نیست:
ارسال یک نظر
وتی کلوا چێرا نبیس إت