بی إن إم و بی إس او -آزادءَ بلوچستانءِ بیرق یلہ داتگ؟

چیزے وھد إنت کہ بی إن إم و یا بی إس او -آزادءِ نیمگا ماں بلوچستان سرجم کتگیں ظاھری و مچّیان تھا بلوچستانءِ بیرق ودی نہ إنت۔ إیشی سببا بی إس او -آزاد و بی إن إم وت بہ زان أنت۔ ألبت وشـّیءِ گپے إنت کہ بی آر پی و بی آر إس اوءَ أنگت بلوچستان بیرق برز داشتگ۔
بیرقءِ خبرا دربغیر مرچاں بی إس او آزادءِ لھتے سریں باسک میر غوث بخش بزنجوءِ خلافا بیان دیگا أنت۔ سرپدیں مردمانءِ خیالا إے راھبندءِ راهی بلوچ نشنل فرنٹءَ پروشگءِ نیمگا گامگیج أنت۔ أگر دیم إش دارگ نہ بیت، گڈا بی إن إف ھما وڑیں مشکلاں گوں دیم پہ دیم إبیت کہ 1989ءَ یا شہ آئی رند 'بلوچستان نشنل ألائنس' بیتگ أت۔
ترانگ بہ کپ إت کہ بلوچستان نشنل ألائنسءَ ھم میر غوث بخش بزنجوءِ خلافا زباندراجی کت و آئیءِ سرا ڈوبہ جت کہ پنجابءِ أیجنٹ إنت۔ میر غوث بخش وا ھمے درگتا بیران بیت، بلے بلوچستانءِ اُستمان پؤہ بیت کہ آ گلايگ بیتگ أنت، گڈا ھمے نشنل ألائنسءِ نام نشان گار بیت أنت۔ ألبت غوثیءِ پاکیں نام أنگت زندگ إنت، و آ نمیران إنت۔
Source: www.balochinews.com