بلوچستانءِ آزادی مئے منزل إنت۔ بی إس او -آزاد

تمپ -ھندی حالکارےءِ ردا مرچی ماں تمپ بی إس او -آزادءِ جھدکاراں بلوچ بندیگانءِ آزادیءِ لوٹءِ پلانگریا یک لشکرے کش إت۔ لشکر پولیس بنجاہءِ دیما اوشتات و سرکاری زوراکیانءِ خلافا دانک کوکـّار کت أنت۔

آواں بی إس اوءِ چیردستیں سروک واجہ ذاکر مجید، جلیل ریگی، چاکر قمبرانی، إقبال بلوچ، فیض بلوچ و دگہ سیاسی بندیگانءِ آزادیءِ لوٹ کت۔ مچّیءِ دیما بیبگر بلوچ، نصیر گچکی، صدام بلوچ و بانک سمّی بلوچءَ تران کت۔

تران کنوکاں گشت کہ بلوچاں باز اوپار کتگ، چدا پد إیران و پاکستانءِ غلامیا اوپار نہ کن أنت۔ آواں سرکچ دات کہ بلوچستانءِ آزادی آوانءِ منزل إنت۔ Rights reserved by www.balochinews.com