پاکستانءِ پرگِنگ پنجابءِ شھر فیصل آبادءَ یک جنیں ناچوے گوں کٹمءِ 7 باسک و یک نوکرےءَ کشگ بوت۔ نوھیں کس تیر جنگ بوتگ أنت۔بی بی سیءِ ردا پولیسا گشتگ کہ پنچشبنہءَ بامگاہءِ چاڑا ھمساھگےءَ تیرانءِ توار إشکتگ، بلے کسے ظاھر نہ بیتگ۔
إے ناچوئیں کٹمءِ سروک ریحانہ چودھری، إیشیءِ لوگواجہ شمشاد یوسف، شش چک و یک نوکرےءِ خونریچیں جسد ماں لوگءِ أواریں باناں دستا کپتگ أنت۔
شہ چُکـّاں یک جنکـّےءَ سانگ کتہ بیتگ۔ ھمے سانگ کتگیں جنیں چکّءِ لوگواجہ نصیر عباس إیوکیں کس إنت کہ کشگ نہ بیتگ۔ ألبت نصیر عباسءَ پولیس سھیگ کتگ کہ آئی لوگا نہ بیتگ۔
نصیر عباسءِ جند پولیسے إنت۔ ألبت مردمانءِ کوشوکانءِ باروا پؤلکاری کنوکیں أفسراں نصیر عباسءِ دستءِ ھؤر بیگءِ شق ظاھر کتگ۔
مردمانءِ جنگ بیگءِ أولی حال نوکرا مِرَگا پیسر ٹپـّییں حالتا شہ وتی موبایل فونءَ داتہ بیتگ۔ رندا نصیر عباسءَ ھم پولیس سھیگ کتگ۔
Source: www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت