ھندوستانی واکداران 9 پاکستانی ماھیگر شہ کچّ ھندا دستگیر کت أنت۔ إیشانءِ نیاما 6 بلوچ أنت۔ أولی رند إنت کہ ھندوستانءِ آپا دستگیر بیتگيں پاکستانیانءِ نیاما بلوچ ھؤر أنت۔ چدا پیسر دستگیر بیتگیں ماھیگر شہ سند صوبہ -پرگِنگا- بیتگ أنت۔'دی ٹائمز آف انڈیا'ءِ داتگیں حالءِ ردا دوشنبهءَ دستگیر بیتگیں ماھیگرانءِ نیاما شش بلوچانءِ ھؤر بیگءِ سرا واکدار سربتگ أنت۔ پمیشا گيئشتر پؤلکاری کنگا أنت۔ ھندوستانی پولیسءِ گشگ إنت کہ بلوچ چوناھیا ماھیگری نہ کن أنت پمیشا بلوچانءِ ھؤر بیگ پریشانیءِ سبب جؤڑ بیتگ۔
ھندوستانءِ پولیسا گندگا وتی ھمساھگانءِ باروا باز سرپدی نیست إنت۔ أگر بہ بیتین أت، گڈا سرپد إتنت کہ صداں میل دراجیں بلوچ زربارا نندوکیں بلوچان بُنی کاربار ماهیگری بیتگ۔
Source: www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت