شہ بلوچستانءِ أواریں هنداں رستگیں حالانءِ ردا مرچی سرجمیں کاربار بند أنت۔ إے کاربندی نشنل پارٹی و مینگل پارٹیءِ لوٹءِ سرا بیگا إنت۔ دوئیں گلاں بلوچانءِ سرا نوکتریں زوراکیانءِ خلافا شہ اُستمانءَ کاربندیءِ لوٹ کتگ۔ترانگ بہ کپ إت کہ گوَستگیں لھتے ھفتگانءِ نیاما صداں بے میاریں بلوچ دستگیر کنگ بیتگ أنت۔ دگہ ھزاراں کس دمک و دگانءِ سرا سیمسری فوجیاں بے آبرو کتگ أنت۔ آوانءِ ریش تراشتگ أنت، دراجیں مود إش چـِتگ أنت و پراھیں شلواراں مٹـّینگءِ حکم دیگ بیتگ أنت۔
یک دگہ حالے کہ میرعالی بگٹیءِ جمھوری وطن پارٹیءِ نیمگا شنگ بیتگ، گشگا إنت کہ مرچی گلا جؤڑ کنگءِ سالروچ دارگ إبیت۔ حالا داتگ کہ شھید أعظم نواب أکبر بگٹیءَ 16 آگست 1990ءَ گلءِ أڈ بیگءِ جار جتہ بیتگ۔ آنلائن
Source: www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت