بلوچ نشنل ألائنس (کراچی)ءِ آرگنائزر عبدالغفار بلوچ و چیردستیں آرگنائزر شاھنواز بلوچءَ ماں گٹر باغیچہ تیرگواری کنگءِ کارکرد إیرجت۔ تیرگواریءِ سببا عابد بلوچ شھید بوت و دگہ پنچ بلوچ نوجواناں ٹپـّی بوت أنت۔إیشاں گشت کہ ماں لندن نشتگيں یک نسلی تنظیمےءِ سروکءِ راھشونیانءِ ردا بلوچ قومءِ خلافا گامگیج زیرگ بیگا أنت۔ کراچیءِ رینجرز و پولیس سر وَت یلہ دیگ بیتگ کہ آ لوگاں بہ پتر أنت۔ ھوریا نادر بلوچ و نثار بلوچءِ خلافا کئسانءِ ثبت کنگءِ کارکرد إیر جنگ بوت۔
ھمے باروا 'بلوچ لایرز فورم'ءِ دیوانے جعمہءِ روچا گل حسن بلوچ أڈوکئٹءِ پاگواجھی برجم دارگ بوت۔ دیوانا عمر بلوچ، طارق حسن، عثمان غنی، رحیم بزنجو، سکندر مری، شاھد ترک و صالح محمد بلوچ بھر زُرت۔
إیشاں فیصلہ کت کہ گٹر باغیچہءَ پہ زور دستگروکانءِ خلافا ظاھری دیوکیں بلوچانءِ سرا ثبت کتگیں کئسانءِ ردا ماں کورٹا بلوچ ورنایاں إنسانی ھمدردیءِ بنیادا مفتا نمایندگی کن أنت۔
وتی بیانا وکیلاں گشت کہ گٹر باغیچہءَ پہ زور دستگروکانءِ دیما بلوچ نوجوانءِ مکّ بیگ لایق ستا إنت۔ بلوچ نوجوان ثابت کنگا أنت کہ کراچیءِ بُنی واھند أنگت زندگ أنت۔ و آ وتی لوگءِ دپءِ پارکا بَرَگا نہ ھِل أنت۔ توار
Source: www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت