قول یعقوب مھرنھاد: "پہ زانت یا نزانتی قومانءِ زبان، پُچّ، و دودمانءِ نیمگا دلگوش نہ دیگ یک دودمان کـشی سیاست و رپکے زانگ إبیت کہ عاقبتا دمگانءِ دودماناں گار کنت" 16 دسمبر 2005 چمشانک:
إنسان أگر پیر ترّیت ترانگ ئی نزور إبیت و چیزاں شموشیت، کسانسالیا مزنیں کـَپت و کِرداں سرپد نہ بیت، پمیشا آوان نہ زانت۔ جوانیا جوش إنت؛ جوانیئے۔ بازیں کپتاں جوان سر گوَز کن أنت، حسابا نیار أنت إش و دگہ لھتیاں شہ ضرورتا گيئش برز جن أنت۔
بزانکہ ھچ عمرا إنسانءِ سسا ساجو نہ إنت۔
ألبت ھمے سرجمیں إنسانی نزوری برے برے کپتانءِ دیما بے وس إبنت۔ پرچاکہ ھنچیں مزنیں جاور سر کش أنت کہ پیرانسریءِ بے ھؤشیا، کسانسالیءِ بے سسائیا و جوانیءِ جؤشا مُس کن أنت۔ بہ لوٹئے یا نہ؛ إے جاور سرجمیں مردمانءِ مغزاں نقش إبنت۔
مغزاں نشق بیوکیں کپتانءِ نیاما لھتے میان قومی أنت، لھتے ملکی أنت و لھتے تک قومی إبنت۔ وتی کساسا ھر یک أھم إنت۔ پہ بلوچاں یعقوب مھرنھادءِ شھادت مزنے کپتے إنت۔ خاص مغربی بلوچستانءِ بلوچ قومی جھدءِ دفترا نوکیں دھرءِ مزنتریں کپ منـّگ إبیت۔
إیرانی واکانءِ دستا 4 آگست 2008ءَ پاھوا درنجگ بتیگیں یعقوب مھرنھادءِ شھادتا مرچی سالے قبل بیت۔ ألبت مھرنھادءِ منـّوکانءِ نیاما أنگت بازیں کساں وتی أرس ھؤشینت نہ کتگ أنت۔ شہ ناباوریءِ سربتگیا دگہ لھتے کس تاں إے وھدی در نہ کپتگ أنت۔ آئیءِ راہءِ راھییں کسانسالیں إبراھیم مھرنھاد کہ مان کرمان بندیگجاھا پنچ سالءِ سزاءَ گوازینگا إنت؛ بیت کنت کہ شہ وتی براتءِ رَوَگا چٹـّا سھیگ مہ بیت۔ پدا ھم بلوچ ندکاراں، شھزانتاں، سیاستکاراں، سیاسی و چاگردی گلاں إے مزنیں ھستیءِ باروا دو گالرد دپ ماں دپ نہ دات۔
ھر کس سرپد إنت کہ جیڑہ باز أنت۔ دلسیاھی بے حساب أنت۔ عملی جھد کنوک کمّوک أنت۔ پہ ھر جاہ و ھر کارا نہ رس أنت۔ ألبت چم پچّیں مردم گندگا أنت کہ بازیں بلوچ گوں فرضی ناماں پہ یکـّادگرءِ ڈوبارگا لِکـّہ پاد اوشتاتگ أنت۔ ھر کسا دو یا گيئشتر ویبسائٹ ھست إنت۔ أنگت ھم چاروکاں نہ دیست کہ مرچییں روچا إے مزنیں شھیدءِ باروا چار نوکیں دانک رد بند دیگ بہ بیت! پہ دردیں گپے نہ إنت؟
ھچ جھدکار مردمانءِ واھگاں سرجمیا پیلو کت نہ کنت۔ آئیءِ ھر گام پھکیں مردمانءِ رضاءَ گوں ھمرد بیت نہ کنت۔ ممکن إنت کہ شھید مھرنھادءِ ھنچیں گامےءَ لھتے کس خـُرسُند نہ کتگ أنت۔ ألبت وتی جانا ندر کنگا رند پہ قومءِ ھر پُسـّگا سھرا بیت کہ آئیا قوم و سرڈگارءِ درد ماں دلا بیتگ۔ و جان ئی ھم پہ ھمے دردانءِ درمان کنگا ندر کت۔ إے وڑا پہ ھچ کسا شکایت کنگءِ هچ عذر ئی پشت نہ گپت۔
پمیشا ھر سال کہ 4 آگستءِ روچ ٹکّ إبیت، ساریں بلوچاں ترانگا دات کہ آوانءِ سرڈگارا مھرءِ یک ھنچیں پـُلــّے ھم سرپتہ بیتگ کہ آئیا شہ سرسِندَگ بیگا پیسر وتی آتاریں بو مان بلوچستانءِ ھر دَمک، دَگ، شھر، کلگ، دَمَگ، گٹ و کوھسارا تالان کتگ أت۔ ھمے تالانیں بو بلوچءِ ھر سرپدیں سرا مدام سکین دات کہ پہ وتی قومی آزادیا پیئش کنزیت۔ وتی لبزانک، دودمان، تاریخ، مِلک و مَڈیاں بہ پھازیت۔ ألـّما إے ڈولیں کـُلہ دیوک شموشگ بیت نہ بنت۔
Source: www.balochinews.com
بزانکہ ھچ عمرا إنسانءِ سسا ساجو نہ إنت۔
ألبت ھمے سرجمیں إنسانی نزوری برے برے کپتانءِ دیما بے وس إبنت۔ پرچاکہ ھنچیں مزنیں جاور سر کش أنت کہ پیرانسریءِ بے ھؤشیا، کسانسالیءِ بے سسائیا و جوانیءِ جؤشا مُس کن أنت۔ بہ لوٹئے یا نہ؛ إے جاور سرجمیں مردمانءِ مغزاں نقش إبنت۔
مغزاں نشق بیوکیں کپتانءِ نیاما لھتے میان قومی أنت، لھتے ملکی أنت و لھتے تک قومی إبنت۔ وتی کساسا ھر یک أھم إنت۔ پہ بلوچاں یعقوب مھرنھادءِ شھادت مزنے کپتے إنت۔ خاص مغربی بلوچستانءِ بلوچ قومی جھدءِ دفترا نوکیں دھرءِ مزنتریں کپ منـّگ إبیت۔
إیرانی واکانءِ دستا 4 آگست 2008ءَ پاھوا درنجگ بتیگیں یعقوب مھرنھادءِ شھادتا مرچی سالے قبل بیت۔ ألبت مھرنھادءِ منـّوکانءِ نیاما أنگت بازیں کساں وتی أرس ھؤشینت نہ کتگ أنت۔ شہ ناباوریءِ سربتگیا دگہ لھتے کس تاں إے وھدی در نہ کپتگ أنت۔ آئیءِ راہءِ راھییں کسانسالیں إبراھیم مھرنھاد کہ مان کرمان بندیگجاھا پنچ سالءِ سزاءَ گوازینگا إنت؛ بیت کنت کہ شہ وتی براتءِ رَوَگا چٹـّا سھیگ مہ بیت۔ پدا ھم بلوچ ندکاراں، شھزانتاں، سیاستکاراں، سیاسی و چاگردی گلاں إے مزنیں ھستیءِ باروا دو گالرد دپ ماں دپ نہ دات۔
ھر کس سرپد إنت کہ جیڑہ باز أنت۔ دلسیاھی بے حساب أنت۔ عملی جھد کنوک کمّوک أنت۔ پہ ھر جاہ و ھر کارا نہ رس أنت۔ ألبت چم پچّیں مردم گندگا أنت کہ بازیں بلوچ گوں فرضی ناماں پہ یکـّادگرءِ ڈوبارگا لِکـّہ پاد اوشتاتگ أنت۔ ھر کسا دو یا گيئشتر ویبسائٹ ھست إنت۔ أنگت ھم چاروکاں نہ دیست کہ مرچییں روچا إے مزنیں شھیدءِ باروا چار نوکیں دانک رد بند دیگ بہ بیت! پہ دردیں گپے نہ إنت؟
ھچ جھدکار مردمانءِ واھگاں سرجمیا پیلو کت نہ کنت۔ آئیءِ ھر گام پھکیں مردمانءِ رضاءَ گوں ھمرد بیت نہ کنت۔ ممکن إنت کہ شھید مھرنھادءِ ھنچیں گامےءَ لھتے کس خـُرسُند نہ کتگ أنت۔ ألبت وتی جانا ندر کنگا رند پہ قومءِ ھر پُسـّگا سھرا بیت کہ آئیا قوم و سرڈگارءِ درد ماں دلا بیتگ۔ و جان ئی ھم پہ ھمے دردانءِ درمان کنگا ندر کت۔ إے وڑا پہ ھچ کسا شکایت کنگءِ هچ عذر ئی پشت نہ گپت۔
پمیشا ھر سال کہ 4 آگستءِ روچ ٹکّ إبیت، ساریں بلوچاں ترانگا دات کہ آوانءِ سرڈگارا مھرءِ یک ھنچیں پـُلــّے ھم سرپتہ بیتگ کہ آئیا شہ سرسِندَگ بیگا پیسر وتی آتاریں بو مان بلوچستانءِ ھر دَمک، دَگ، شھر، کلگ، دَمَگ، گٹ و کوھسارا تالان کتگ أت۔ ھمے تالانیں بو بلوچءِ ھر سرپدیں سرا مدام سکین دات کہ پہ وتی قومی آزادیا پیئش کنزیت۔ وتی لبزانک، دودمان، تاریخ، مِلک و مَڈیاں بہ پھازیت۔ ألـّما إے ڈولیں کـُلہ دیوک شموشگ بیت نہ بنت۔
Source: www.balochinews.com
۱ نظر:
لطفا در روز سالگرد شهید یعقوب بیشتر تلاش شود
ارسال یک نظر
وتی کلوا چێرا نبیس إت