بی إس او -پجّار کراچی ھنکینءِ نوک گچین بیتگیں 'آرگنائزر' سھیل أنور بلوچ و آئیءِ چیردست ألطاف بلوچءَ گوں چاکر بلوچ، ظفر دشتی، فرید سخی، محمد سعید و سجاد ڈومکی ھؤریں بیانے شنگ کت۔ إے بیانا آواں گشت کہ بلوچ قوما زانتءِ سلاح پکار إنت۔روچتاک توارءَ شنگ بیتگيں بیانا آواں پدّر کتگ کہ بلوچ قومءِ تھا پہ تعلیمی إنقلابے آرگا آ جھد کنگا أنت۔ پرچاکہ گوں پندل بلوچ نوجوان شہ وانگ دربرگا گِستا دارگ بیتگ أنت، بلے بی إس او -پجار دشمنانءِ إے پندلاں بے سوب کنت۔
آواں سرکچ دات کہ وھدءِ ضرورت ھمیش إنت کہ بلوچ وانوک تفنگا چست کنگءِ بدلا وانگ دربرگ نیمگا دلگوش بہ دی أنت۔ پرچاکہ قومی جبر و معاشی درپدریءِ ذموار بے زانگی أنت۔
آواں دستبندی کت کہ بلوچ وانوک بی إس او -پجّار 'پلاٹفارم'ءَ یکجاہ بہ بنت و پہ وتی قومءِ گھتریا گلءِ فکر و فلسفوا تبلیغ بہ کن أنت۔ شہ جزبانی دانکاں وتا بہ رکـّین أنت و پَدِلیں سیاست بہ کن أنت۔ ھؤریا قوما شہ آیوکیں خطراں ڈاہ بہ دی أنت۔
Source: www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت