مولویءِ عمرہ پہ إماماں پریشانیءِ سبب إنت

زاھدانءِ سنـّی ملا عبدالحمید گوَستگیں ھفتگا دیم پہ سعودی شتگ۔ إے خبرا شیعہ إمام پریشان کتگ أنت۔ ماں وتی حالتاک و ویبتاکاں وڑ وڑیں حال إش تالان کتگ أنت۔

لھتے حالانءِ تھا پریشانی ظاھر کنگ بیتگ که ملاءَ ما سعودی گوں اودءِ رستگاری واکاں گِدار کـُتگ۔ إیشانءِ دل جنگا إنت کہ شاید إیرانءِ خلافا پندلے سازگ بیگا إنت۔

عبدالحمیدءِ سفرا شہ ھر کسا گيئشترسرکاری حالجاہ 'إرنا' تکانسر کتگ۔ إرناءَ کشکائی گشتگ کہ مولوی ماں سعودی یک مذھبی-سیاسی دیوانےءَ بھر زیرگءِ إرادوا شتگ۔

چدا پیسر هر هما سنـّی عالم که إیرانی واکاں آئیءِ سرا شک بیتگ، شہ سعودی چھر کنگءِ درگتا کشتگ إش۔ تنے وھدی زانگ نہ بیگا إنت کہ ملا عبدالحمیدءِ عاقبت چؤن إبیت۔
Source: www.balochinews.com