مغربی بلوچستانءِ بندیگجاھانءِ مدیر ماشاءاللہ شجاعیءَ سئے شنبہءَ گـُشت کہ 'جشن گلریزان' ناما برجم داشتگیں مچّیانءِ درگتا سئے تاکہ چار میلیارد ریال خیرات جمع بیگءِ اُمید إنت۔ آئی گشت "نیکیں مردماں تاں إے وھدی 780 میلین ریال کمک داتگ"۔إیرانی حالجاہ 'إرنا'ءِ ردا واجہ شجاعیءِ واھگ إنت کہ مبارکیں رمضان ماھا 'جشن گلریزان' ناما ماں بلوچستانءِ شھراں دگہ لھتے دیوان برجم بہ داریت۔ تاکہ اودا بھر زیروکیں مردم پہ نزانتی جرم کنوکیں بندیگانءِ آزاد کنائینگا کمک بہ کن أنت۔
آئیا دیمترا درّائینت کہ رستگیں کمک پہ 141 ھنچیں بندیگانءِ ضمانتا دیگ إبنت کہ پہ نزانتی و بے واھگا کتگیں جرماں بندیگ أنت۔ پدا گيئش ئی کت کہ گوَستگیں سالاں ھمے وڑا سرجم کتگیں زرّانءِ برکتا 351 بندیگ آزاد کنائینگ بیتگ أنت۔
Source: www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت