بھت کہ کپیت مردما اُشتر سرا هم کـُچـِک وارت

ھندوستانءِ دستءِ چیرءِ کشمیرءَ غارےءَ چیریں دو کشمیری یاگی ممےءَ کـُشت أنت۔ آوانءِ دو ھمراہ وتی ساہءِ دربرگا سوبین بیت أنت۔ کشگ بیتگیں یاگیانءِ نام محمد أمین و بشیر أحمد ظاھر کنگ بیتگ أنت۔

بی بی سی اردو شنگ بیتگیں حالےءِ ردا یاگیانءِ گورا إے کے 46 تفنگ ھم بیتگ، بلے مما أناگتا بیڑ آرتگ، پمیشا آوانءِ کارمرز کنگا سوبین نہ بیتگ أنت۔

وھدے دو کس ٹپـّییں حالتا پہ علاجا نزیکی میتگےءَ سر بیتگ أنت، گڈا خبر پاشک بیتگ کہ ممےءَ آوانءِ سرا بیڑ برتگ۔ إیشیا پد پولیس غارا سربیتگ و مرتگینانءِ جسد إش چست کتگ أنت۔

ھندوستانی پولیسا غارءِ تھا یاگیانءِ أڈ کتگیں وراک هم دیستگ أنت۔ زانگ بیگا أنت کہ ممءِ آیگا ساری یاگیاں وراک أڈ کتگ۔
Source: www.balochinews.com