نوکتریں حالانءِ ردا ماں کراچی مھاجرانءِ دستا کشگ بیتگیں مردمانءِ حساب 25 کساں سر بیت۔ بیرانیں مردم گيئشتر بلوچ أنت۔ رسانکاں شنگ بیتگیں حالانءِ ردا متحدہ قومی موومنٹ نامیں گلےءِ سلاحبندیں مردم موٹر سائکلانءِ سرا دگ و دمکاں یلہ أنت۔ ھرجاگہ کہ بلوچے گند أنت؛ تیر ئی جن أنت۔آدگہ دیما وتی جند و کٹمانءِ رکـّینگءِ جھدا دستگٹیں 50 بلوچ ورنا پاکستانی پولیس و فوجا ماں لیاری دستگیر کتگ أنت۔ إے وڑا سرجمیں بلوچ ھند سرکاری زوراکیانءِ دیمپان أنت۔ و شہ ھچ نیمگا کمکے نہ رسگا إنت۔ بازیں بلوچ پہ وتی کٹماں وراکی سامان زیرگا ھم شت نہ کنگا أنت۔ پمیشا ماں لوگاں کسانسالیں زھگ بے شام وپسگا إنت۔
مھاجر قومی موومنٹءَ وتی بیانےءَ گشتگ کہ لیاری و بلدیہ ٹاون بزان بلوچ و پٹان سرجمیں فسادانءِ بنجاہ أنت۔ ھمے بیانا پاکستانءِ تھی جاورانءِ وزیر رحمان ملکء ِپاگارتگیں خبر راست ظاھر گشگ بیتگ۔ رحمان ملکءَ پاگارتگ أت کہ سر برّتگیں مھاجر که آئی سببا بلوچانءِ سرا حمله بیتگ أصلا بلوچاں کشتگ۔ پرچاکہ آئیا گوں یک بلوچ جنیں آدمےءَ ناروائیں نزیکی بیتگ۔
ألبت تچکتریں تبصروے پاکستانی حالجاہ 'دی نیوز' داتگ۔ إیشیءِ ردا نوکتریں چوپت چؤپءِ مقصد مردمانءِ دلگوشا شہ عاشوراءِ درگتا شیعوانءِ سرا برتگیں بیڑا ترّینگ إنت۔ عاشوراءِ مچّیءِ سرا وتکش بیڑے برگ بیتگ أت کہ اودا شہ 50 کساں گيئش کشگ بیتگ إتنت۔ و شہ آئی رند زھرگپتگین شیعواں کراچیءِ بازیں کارباری جاگہ مانداشت أنت۔
.
۱ نظر:
salam wajah
mihrabani che shome kushistaN
shoma agar letter benibeshteyn va ya yak petitioni MQM khilapa jor bikoten va MQM a te donyaha roswa bekoteN baaz sharat
va che mokhtalep siyasi zantkaraN hum bilotheteyn ke aa hum letter benobeshteyn pa dunyahe siasi tanzimo namdaraN va MQM a yak terroristi gali pish bidashteyN
mehrabani
Baloch Qamash
ارسال یک نظر
وتی کلوا چێرا نبیس إت