عبدالمالک ریگیءِ دستگیر بیگا پد نیں پاکستان و إیرانی واک وت ماں وتا سُک داسو أنت۔ پاکستانی سفیرا مان تھران گشت کہ آوانءِ کمکا إبید إیشی ممکن نہ بیتگ۔ ألبت سیستانءِ قاضی إبراھیم حمیدی گشیت کہ پاکستانءَ دیئشک بات؛ إیرانءِ وتی سوھِندویا ریگی دستگیر بیتگ۔
یک دگہ خبرےءَ دلگوش پکار إنت کہ دستگيریءِ سئے روچ گوَزگا پد دئومی برا عبدالمالک ریگیءَ رسانکانءِ دیما ظاھر نہ کنگ إیرانءِ پیسری راهبندءِ ھمردیا نہ إنت۔ إیشیءِ سببا دلا ھمے خیال کئیت کہ إیرانی چاریگانءِ بازیں لٹاں ریگی زوال کتگ۔
وتی بندیگاں لٹ کٹ کنوکیں ملکانءِ لڑا إیرانءِ نام اَولسرا کئیت۔ لٹ کٹءِ سببا چدا پیسر ھم بازیں مردماں ساہ داتگ۔ چیزے ماہ ساریا ماں تھران سرجم بیتگیں سبز رنگانءِ بازیں ھؤر کار دستگیر بیگا رند لٹاں کشتگ إتنت۔
یک دگہ خیالے ھمیش إنت کہ أگر موہ ئی بہ رسیت عبدالمالک ریگی وتی جندا وت کشیت تاکہ دشمنانءِ دستا زندگ دارگ مہ بیت۔ إے وڑا دشمن گل مہ کن أنت کہ ریگی زندگا دستا کپت و آئیا وتی جھدءِ سرجمیں قصّہ پاشک کت أنت۔
هیچ نظری موجود نیست:
ارسال یک نظر
وتی کلوا چێرا نبیس إت