زامران دمگءِ کلّگ 'گربن'ءِ نندوکیں دو کس إیرانی واکاں تیرانءِ آماچ کت؛ کشت أنت۔ إے دوئیں کس گوں دگہ دو مردماں وتی لاپءِ شوھازا شہ وتی ھندا یک گاڑییےءَ سوار مغربی بلوچستانءَ پترتگ أنت۔
اودا شہ پیسرا سنگر گپتگیں إیرانی پاسداراں إیشانءِ گاڑی تیرانءِ دپا داتگ۔ تیرگواریءِ سببا برکت چکءِ ملا إبراھیم و ولید چکءِ یوسف جاہ پہ جاہ بیران بیتگ أنت۔
إیرانی واکاں جار پرّینتگ کہ گاڑیءَ سواریں آدگہ دوئیں کس ٹپـّییں حالتا دستگیر إش کتگ أنت۔ آواں شھید برکت، شھید ولید و دستگیریں دوئیں کس جندا...ءِ باسک ظاھر کتگ أنت۔
جندا...ءَ وتی بیانےءَ پدّر کتگ کہ برکت، ولید و آدگہ دوئیں کس جندا...ءِ باسک نہ بیتگ أنت۔ ھمے بیانا دیمترا إیرانیانءِ سرا یک بیڑےءِ حال داتگ۔ بیڑا 13 گجراں کشگ و دگہ بازیں کساں ٹپـّی کنگءِ خبر مان إنت۔
مشرقی بلوچستانءِ حالتاک 'إنتخاب'ءِ ردا کشتگیں بلوچانءِ جسد أنگت إیرانی واکاں گون أنت۔ إیشانءِ وارس پرے خبرا سک پدرد أنت۔ و إیرانیانءِ إنسان دشمنی کارکرداں ڈوبارگا أنت۔
ترانگ بہ کپ إت کہ 'گربن' مشرقی و مغربی بلوچستانءِ سیمسرا إنت۔ و ادا جاھمنندیں بلوچانءِ سیال دوئیں نیمگاں جاھمنند أنت۔ إیرانی واکانءِ بلوچ دشمنیءِ سببا گربنءِ مردم مدام تیرانءِ دپا أنت۔
چدا پیسرا گوستگیں سالا پہ دار چنگا دراتکگیں یک جنیں آدمے ھم إیرانی واکاں شھید کتگ أت۔
هیچ نظری موجود نیست:
ارسال یک نظر
وتی کلوا چێرا نبیس إت