مرچییں روچا پاکستانءِ پارلمنٹا ملکءِ پرگنگانءِ باروا نوکیں فیصلوے کنگ بیت۔ فیصلہءِ ردا چدا پد پاکستانءِ سرحد پرگنگءِ نام 'خیبر پختونخواہ' بیت۔ ھوریا پرگنگ 'سندھ' باید 'سند' نبیسگ بہ بیت و پرگنگ بلوچستان گوں جھلیں 'واو' بلـوچستان' نبیسگ بہ بیت۔ بلوچستانءِ ناما نبیسگءِ نوکیں وڑ إیوکا إنگریزی زبانا ظاهر بیت إنت۔ پیسرا Balochistan بیتگ و چدا پد Baluchistan نبیسگ بیت إنت۔
خیال گوَر بہ بیت کہ گوں 'o' نبیستگیں ناما إنگریز 'بلوکِستان' وان أنت۔ ألبت گوں 'u' نبیستگیں ناما 'بلوچستان' وان أنت۔
نوک منـّگ بیتگیں قانونا یک دگہ شرطے ھم ھور کنگ بیتگ۔ إے شرطءِ ردا پرگنگانءِ گورنر باید ھما پرگنگءِ نندوک بہ بنت؛ بزاں یک پرگنگےءِ مردم دگہ پرگنگےءَ گورنر بیت نہ کنت-
چدا پیسر بلوچستان إیوکیں پرگنگ بیتگ کہ اودا مدام درامد گورنر نندارینگ بیتگ أنت۔ أگر إے قانون رواج دیگ بہ بیت، گڈا شہ پھکاں گيئشتر بلوچستانءَ فایدہ إنت۔
هیچ نظری موجود نیست:
ارسال یک نظر
وتی کلوا چێرا نبیس إت