پولیس افسرےءِ کشگ بیگا 'بی اس او –آزاد' و پشت کپتگیں بی ان امءَ افسوز انت

بی یو سی نیوزءَ شنگ بیتگیں حالےءِ ردا ماں 'آواران' کریم داد ساجدی نامیں پولیس افسرے گوں وتی ناکو زھگ ظھور احمد ساجدی کہ بی ان امءِ باسکے بیتگ، سلاحبندیں مردماں تیر جتگ؛ کشتگ۔ تیرجنوک موٹرسائکلےءَ سوار تتکگ انت۔ ایشانی کشگ بی اس او –آزادءَ ایر جتگ و پشت کپیتگیں بی ان امءَ ماں دمگا تھروزی کاربندیءِ جار پرّینتگ۔

ترانگ کپ ات ھمے گلاں مولابخش دشتیءَ کشگءِ کارکرد ایر نہ جتگ۔ مردم ایشانی کارکرداں گندیت، ھمے لیکیت کہ یک ایشانی دیما پولیس افسرےءِ قدر شہ کلاّنیں سیاسی جھدکارےءَ گيئشتر انت۔

اگر ایوکا بی ان امءِ جھدکارا کشگءِ خلافا بی اس او و پشت کپتگیں بی ان ام زھر کپتگ انت، گڈا شہ آواں جست انت کہ ایشانی جھدکار پولیسءِ ھمراہ پرچا بیتگ؟

اگر پمیشا کہ آئیءِ ناکو زھگ بیتگ، گڈا پرچا میرخیربیار مری گوں چنگیز مری ھمراہ مہ بیت؟
.

بلوچی نیوزءِ خیالا بلوچ دودمانا سرکچ ورگا پد اگر بلوچستانءِ سیاست دیما برگ بہ بیت، گڈا مردم پہ جاھے رسیت۔ اے وڑا کہ ھنـّی بیگا انت، ایشی دیم پہ گمراھی روان انت۔ گمراھیءِ سیت ملا و سرداراں رس انت۔ بلوچ مخلوق آسودگ بیگءِ بدلا گوں یکـّادگر گڈگیر بیت انت۔

پمیشا مدامی وڑا مئے دستبندی انت کہ نشنل پارٹیءَ ھور بہ بی ات و بلوچستانءِ عوامی سیاستا واکدار جوڑ کن ات، تانکہ ملا و سردار بے واک پشت بہ کپ انت۔ اگر پہ سروکیا شمارا داکٹر مالک دوست نہ بیت، جیڑوے نہ انت۔ باندا روچ کہ گچینکاری بی انت، مالک بلوچءَ ووٹ مہ دی ات۔ کچکول علی وا ھست انت.