مشرقی بلوچستانءَ بلوچ سیاسی راھشون مولابخش دشتی کہ نشنل پارٹیءِ بنجاھی کمیٹیءِ باسک ات و بلوچ وانندہ گلءِ پیسری سروکاں شہ یکـّے بوتگ دوشبنہءِ روچا تربت شهرءِ نزیکا شھید کنگ بوت۔ بلوچستانءِ راجی زرمبش اے سیاسی کوشا محکوم کنت و ایشیا پہ بلوچستانءِ راجی سیاستا یک گرانبھائیں تاوانے لیکیت۔
بلوچستانءِ راجی سیاستءِ ردوم پاکستان و ایرانءِ انساندشمنیں واکداراں ترسینگا انت۔ آ مارگا انت کہ جاور پہ آواں نگيگتر بیگا انت و بلوچ راج وتی منزلءِ نزیکترا رسگا انت۔ بلوچ سیاستءِ اے کامیابیءِ پروش دیگا وڑ وڑیں راھبند ایران و پاکستانءَ کارمز کتگ انت۔ آ دگہ پڑاں بے سوب بیگا پد نیں پہ ھما سیاسی جھدکارانءِ کشگا چست بیتگ انت کہ ایمنیں جھد اش رندگیری کتگ۔
مولابخش دشتیءِ زوال بیگءِ درگتا بلوچستانءِ راجی زرمبش آئی کٹم، گل و راجءِ دیما دلپدردی درشان کنت۔ مئے باور ھمیش انت کہ مولابخش دشتی و دگہ ھزاراں شھیدانءِ داتگیں قربانی ثمر دی انت۔ عاقبتا دشمن پروش ور انت و بلوچ راج وتی راجی آزادیا دستگریت۔
اے پڑا ضروری انت کہ سیاسی و سلاحبندیں بلوچ جھدکار کسانیں مخالفتاں یک گوئر بہ کن انت و یکـّا دگرءِ نیمگا تپاکیءِ دستا شھار انت۔ ایوکا بلوچ راجءِ تپاکی دشمنانءِ پندلاں پروش دات کنت و منزلا نزیک رسینیت۔
بلوچستانء راجی زرمبش
14 جولائ 2010
هیچ نظری موجود نیست:
ارسال یک نظر
وتی کلوا چێرا نبیس إت