ایرانی کرد شھر مھابادءَ فوجیانی پریڈءِ درگتا بمبے ترکّ ات و ایشیا 10 کس کشت و 57 ٹـپـّی کت انت۔ کشگ بیتگیں مردم ایرانی واکاں چک و جنیں ظاھر کت انت۔
چارشنبہءِ صحبا کلاک 11ءَ وھدے کہ ایرانی فوج پریڈ کنگا اتنت اے بمب ترکّ ات۔ پریڈءِ مقصد 1980ءِ دھرا گوں عراق بیتگیں جنگا وتی سوبینیءِ یادا دارگ ات۔
مھاباد کردانی بنجاہ و تاریخی شھر انت۔ 1946ءَ اڈ بیتگیں کسان عمریں کرد ریاستءِ سرکاری بنجاہ ھمے شھر ات۔ عراقی وتواجھیں کردستان سرکارءِ سروک مسعود برزانی ھم همدا ودی بیتگ۔
بمبتراکءِ ذمواری ھچ کسا وتی سرا نہ زرتگ۔ البت دمگا ایرانءِ خلافا کردستانءِ آزادیءِ سلاحبندیں جُنزا 'پژاک' نامیں کرد گلے دیما برگا انت۔ پمیشا گيئشتر مردمانی خیال انت کہ ھمیشانی دست ھؤر انت۔
لاس ابجلس ٹائمزء منـّتا
هیچ نظری موجود نیست:
ارسال یک نظر
وتی کلوا چێرا نبیس إت