حالا داتگ کہ ایران و ترکیءِ واکداراں ماں تھران یک قرارے بستگ کہ ایشیءِ ردا ایران 12 میلین ڈالر رسگا ترکیءَ دات و تانکہ سالءِ گڈسرا دگہ 25 میلین کمک کنت۔ اے زرّانی مقصد ترکیءِ سروزیر اردغانءَ ماں ملکءِ آیوکیں گچینکاریاں سوبین بیگا کمک کنگ انت۔
ترکی سرکارا شہ ایران زر رسگءِ خبر نہ منـّتگ۔
مغربی ڈپلومات ترسگا انت کہ شہ ایران رستگیں زر ترکیءِ اسلامی سرکارا واکدارتر کن انت و آ ملکءِ بنراھبندءِ توکا کٹریں اسلامی قانون ھؤر کنت۔
انصاف و دیمروی گلا کمک کنگا ابید ایرانءَ ترکیءِ اسلامی خیراتی انجمن 'آئی اچ اچ' ھم کمک کتگ۔ ھمے خیراتی انجمنءَ مئی ماھا پہ فلسطینیاں کشتيیے شہ مالا پرّ کتگ ات کہ غزہ رسگءِ وھدا اسرائیلی واکاں آئیءِ سرا بیڑ برتگ ات۔ اسرائیلی بیڑا کشتیا سواریں مردمانی نیاما 9 کس کشگ بیتگ اتنت۔
ٹلیگراف –یو کےءِ منـّتا
هیچ نظری موجود نیست:
ارسال یک نظر
وتی کلوا چێرا نبیس إت