امنسٹی انٹر نشنالءَ وتی شوھازکاری حالےءَ پاشک کت کہ 30،000 ھنچوشیں مردم ماں عراق بندیگ انت کہ آوانی میار ظاھر کنگ نہ بیتگ انت و ھچ قاضییےءِ دیما برگ نہ بیتگ انت۔ انسانی حقانی پادمالیءِ اے عراقی و امریکائی کارکرد ماں شوھازکاری حالا ایرجنگ بیتگ انت۔
شہ بندیگیں 30،000 مردماں 10،000 کس امریکائی فوجءِ بندیگ بیتگ انت۔ ھمے ھنوگاں شہ عراق درکپگا ساریا امریکائیاں اے مردم عراقی واکانی دستا داتگ انت۔
بے میاربارےءَ بندیگیں مردمانی نیاما یکـّے 68 سالگیں زمزی شھاب احمد انت۔ برطانیا و عراقی پاسپورٹانی واھندیں اے مردم دسمبر 2009ءَ دیم انگو بندیگ انت۔ آئیءِ لوگبانکا گشتگ کہ ماں بندیگجاھا باز لٹ کٹ اش کتگ۔
ربیحہ القصاب گشت کہ آئی لوگواجہءِ شرم ننگ اش برقی کرنٹ جتگ انت و پہ آئیءِ ساہءِ مُنجینگا ماں سرا پلاسٹک اش مانلکؤشتگ۔ شہ سرکارا لوٹ اتی کہ آئی لوگواجھا یلہ بہ دات یا قاضیءِ دیما میارانی ظاھر بہ کنت و گوں آئی انصاف بہ کنت۔
ربیحہ گشت "جست پرس کنوکیں واکداراں گوں منی لوگواجھا غیر انسانی کار کتگ۔ آئی پیسرا نادراہ جانے بیتگ، نیں وا آئی باروا من گيئشتر پریشاناں۔ منی واھگ انت کہ برطانیا سرکار پہ 'رمزی'ءِ آزاد کنائینگا جھد بہ کنت یا کما شہ کمتر دادگاها بہ بر انتی تانکہ کتگیں میارباریانی سزا ئی یک منصفیں قاضییے بہ دات"۔
رمزی شھاب احمد پہ وتی دستگیر بیتگیں زھگ عمرءِ رکـّینگا وھدے شہ برطانیا دیم پہ عراق شتگ ات، ھمودا دستگیر و پدا بیگواہ اش کتگ ات۔ ھچ کسا نہ زانتگ کہ آئی اش کجا برتگ، تانکہ امبری مارچءَ آئیا ماں لندن وتی جن ٹلفن جتگ و وتی حال ئی داتگ۔
امنسٹی انٹرنشنال گشت کہ سال 1992ءَ صدام حسینءِ واکا پچگرگءِ بے سوبیں جھدا رمزی ھؤر بیتگ۔ پدا شہ اودا گوں جنا تکگ و برطانیا آتکگ۔ بی بی سی
هیچ نظری موجود نیست:
ارسال یک نظر
وتی کلوا چێرا نبیس إت