1600 کیلومیٹر دراجکشیں زربارےءِ واھندیں ریاست گجراتءِ سرکارا ھندوستانءِ بے زرباریں ریاست چؤش کہ مدیا پردیش، پنجاب، چھتیش گڑ و راجستان اجازت دات انت کہ آ ماں گجرات پہ وت بندن اڈ بہ کن انت۔
گجراتءِ انڈسٹری و معدن تکءِ منشی واجہ مھیشور ساھوءَ گوں 'بزنس لائن' گشت "مئے واھگ انت کہ بے زرباریں ریاست شہ مئے زربارا سوبمند بہ بنت"۔
شہ وتی سرڈگارا ڈن یک بندنےءِ واھند بیگ شہ دیریگاں رواج بیتگ۔ پہ مثال تانکہ یک صدییےءَ برطانیاءِ دستا ھانکانگ بیتگ۔ نیں بلوچستانءِ گوادر بندن چینءَ گون انت و بنگلادیشءَ میانمار و نیپال بندن جوڑ کنگءِ اجازت داتگ انت۔
البت اے اولی بر انت کہ ھندوستانءِ یک زرباری ریاستےءَ بے زرباریں ریاستاں بندن جوڑ کنگءِ دعوت داتگ۔
گجرات ریاستءَ چدا پیسر 'موندرا، داھج و پیپاواو' پرائوٹ بندن کارمرز بیگا انت۔ ایشاں ابید بندناں کارمرز کنوکیں درملکی کمپنی 'ڈی پی ورلڈ'ءَ ماں موندرا یک ٹرمنلے ھست انت۔
هیچ نظری موجود نیست:
ارسال یک نظر
وتی کلوا چێرا نبیس إت