پاکستانی ملایانی گل 'جماعت اسلامی'ءِ سروک پہ تھروزی ماں کوئٹہ نشتگيں بلوچ جنیں آدمانی ھنکینا شت و گوں آواں وتی ھمدردی ئی شون دات۔ پدا شہ آواں لوٹ اتی کہ جماعت اسلامیءِ ھؤریا پہ گاریں پاکستانیانی آزاد کنائینگا جھد بہ کن انت۔ البت بلوچ جنیں آدماں جماعت اسلامیءِ سروک گشت "شما ظالم ات، مسلمان نہ ات"۔ شہ ایشی رند ھنکینا نشتگیں سرجمیں جنیں آدم یک توار بیت انت و گشت اش "گم بئے منـّور، گم بئے"۔
بلوچ جنیں آدماں گشت وھدے جماعت اسلامی آزاد بلوچستانءِ لوٹءِ پلانگریا بزیریت و آزادیا بلوچانی بنی حق بہ منـّیت، گڈا ھؤریں جھد بیت کنت۔ جماعتءِ سروکا گشت کہ سرجمیں پاکستانءَ زوراکی بیگا انت، پمیشا ھؤریا پھکانی آسودگیا جھد کنگ بہ بیت۔ پہ اے خبرا جنیں آدم زھر گپت انت و جماعتءِ سروک منّور حسن اش شھرت کت۔
داتگیں تامرا بہ چار ات۔
هیچ نظری موجود نیست:
ارسال یک نظر
وتی کلوا چێرا نبیس إت