پنچ پنجابی ماں مند کشگ بیت انت

رستگیں نوکتریں حالےءِ ردا مرچی مغربءِ وھدا ماں مند یک ٹولییے مردمانی سرا موٹر سائکل سواراں تیر جت۔ ایشیءِ سببا 5 کس کشگ بیت انت و 3 ٹپ نفر ٹپـّی بیت انت۔

بی بی سی اردوءَ یک ھندی پولیس افسرےءِ قول نقل کتگ و نبیستگ کہ کشگ بیتگیں مردم بندرا پنجابءِ شھر لاھور و فیصل آبادءِ نندوک بیتگ انت۔

ایش شہ ایرانءَ آتکگ کوچےءِ ودارا نشتہ بیتگ انت کہ تیرانی آماچ بیتگ انت۔

تانگہ ھچ ٹولیےءَ بیڑءِ ذمہ نہ زرتگ، البت خیال انت کہ پاکستانی واکانی دستا بندیگیں بلوچانی کشگ بیگءِ سببا زھر کپتگیں بلوچاں کشتگ انت۔

ھنچونائیا مند یکـّے شہ بلوچستانءِ سیمسری ھندان انت کہ شہ اودا پنجابی و دگہ پاکستانی ایرانءَ پُتِر انت و شہ اودا دیم پہ یورپ راھی بی انت۔